خطبة: فاعبد الله مخلصا له الدين (باللغة النيبالية)

धर्मलाई अल्लाहकैलागि विशिष्ट गरी उनको उपासना गर्नुहोस ।

प्रशंसा र प्रार्थना पछि:

हे आस्थावान दाजुभाइहरू, म तपाईंहरूलाई र आफूलाई ईशभयको आज्ञा दिन्छु, किनकि अल्लाहले आफ्ना मानिसहरूलाई व्यर्थमा बनाउनु भएको छैन, र तिनीहरूलाई एक्लै छोड्नु भएको छैन, तर तिनीहरूलाई एउटा महान् उद्देश्यको लागि सृष्टि गर्नु भएको छ। जब आकाश, धर्ती र पहाडहरूको सामु यो उद्धेश्य प्रस्तुत गरियो, सबैले यसलाई लिन अस्वीकार गरे र डराए।

﴿ يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا * يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا * إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ إِنَّهُ كَانَ ظَلُومًا جَهُولًا ﴾ [الأحزاب: 70 – 72].

हे आस्थावानहरु हो ! अल्लाहको भय राख र ठीक कुरा गर्ने गर। अल्लाहले तिमीहरूका कर्महरू सुधार्नेछन् र तिमीहरूका पापहरूलाई क्षमा गर्नेछन् । र, जसले अल्लाह एवं उनका रसूलको आज्ञापालन गर्यो उसले ठूलो सफलता प्राप्त गर्यो। हामीले यस अमानत (नासो) लाई आकाशहरू, पृथ्वी र पर्वतहरूसमक्ष प्रस्तुत गर्यौं तर तिनीहरू यस अमानत(नासो)लाई बोक्न तयार भएनन् र त्यसबाट त्रसित भए । तर, मनुष्यले त्यस (नासो) लाई उठायो । वास्तवमा ऊ अन्यायी र अज्ञानी छ।

आज हामी सबैभन्दा ठूलो उपासना अर्थात् हृदयको उपासनाको बारेमा कुरा गर्नेछौं, जसलाई दिल लगाएर र शक्तिका साथ गर्नाले पुण्य बढ्दछ, समस्याहरू हट्दछन्, र यसै कारणले मुहम्मद मुस्तफा (स) को सिफारशबाट लाभान्वित हुनेछ। यो उपासना अन्य सबै उपासनाहरूसँग जोडिएको छ, यसबाट भक्तले भक्तिको मिठास महसुस गर्दछ। यसको अर्थ अल्लाहको लागि उपासनालाई शुद्ध गर्नु हो।

सर्वशक्तिमान अल्लाहको आदेश छ:

قال الحق سبحانه: ﴿ فَاعْبُدِ اللَّهَ مُخْلِصًا لَهُ الدِّينَ ﴾ [الزمر: 2]

अतः धर्मलाई अल्लाहकैलागि विशिष्ट गरी उनको उपासना गर।

यस बाहेक थप अल्लाह सर्वशक्तिमानको आदेश छ कि:

وقال عز وجل: ﴿ أَلَا لِلَّهِ الدِّينُ الْخَالِصُ ﴾ [الزمر: 3].

जानिराख धर्म विशिष्ट अल्लाह कै लागि हो।

अल्लाहले यो पनि आदेश दिनु हुन्छ:

وقال: ﴿ وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ ﴾ [البينة: 5].

आदेश त तिनीहरूलाई यही थियो कि आफ्नो धर्मलाई अल्लाहकोलागि शुद्ध पारेर उनको उपासना गरून्।

शैखैनले एउटा हदीस वर्णन गरेका छन्: "सबै कार्यहरू इच्छामा निर्भर हुन्छन् र प्रत्येक कार्यको परिणाम प्रत्येक व्यक्तिलाई उसको इच्छानुसार दिइनेछ।" इमाम बुखारीले आफ्नो सहिहलाई यही हदीसबाट सुरु गरेका छन्। अल्लाहका दूत (उहाँमाथि अल्लाहको आशीर्वाद र शान्ति रहोस्) थप भन्नुहुन्छ: "मेरो सिफारिश मार्फत निर्णयको दिनमा सबैभन्दा धेरै आशीर्वाद पाउने व्यक्ति त्यो हुनेछ जसले शुद्ध हृदयले "अल्लाह बाहेक कोही ईश्वर छैन" भन्दछ, । " यो बुखारी द्वारा वर्णन गरिएको छ।

इच्छा र ईश्वरको खुशीको चाहनाको बारेमा धेरै हदीसहरू वर्णन गरिएका छन्।

इज्ज बिन अब्दुस् सलाम भन्छन्: "हृदयको शुद्धता (इखलास) भनेको आज्ञाकारिताद्वारा अल्लाहको खुशी हासिल गर्नु हो र त्यसद्वारा अल्लाह बाहेक अरू कसैको खुशीको इच्छा नराख्नु हो ।"

हे धर्मी जनहरू! हृदयको शुद्धताका धेरै दर्जा र विभिन्न स्तरहरू छन्, अधिकांश सेवकहरू अल्लाहको इनाम प्राप्त गर्ने उद्देश्यले र उहाँको दण्डसँग डराउदै उहाँको निकटता खोज्छन्, र यो एक महान र गौरवशाली विशेषता हो। र यो भन्दा ठूलो विशेषता अल्लाहको लागि मात्र अल्लाहको निकटता प्राप्त गर्नु हो, त्यसैले तपाईंले यस्तो व्यक्ति (जसको भित्र यो विशेषता स्थायी रूपमा पाइने गर्दछ)लाई भेट्टाउनुहुनेछ कि उसले सबै प्रकारका आज्ञाहरूलाई महान ठान्छ र उसले आदेशहरू पालन गर्दछ, चाहे ती वाजिब (अनिवार्य) हुन वा मस्नुन, चाहे उसलाई प्रोत्साहित गर्ने कुनै सद्गुण होस्, वा यस सम्बन्धमा कुनै सद्गुण न होस, उस्ले ती आज्ञाहरू आज्ञा दिनुहुने पवित्र अल्लाहको आदर र सम्मानको लागि पालन गर्ने गर्दछ। त्यसरीनै उ निषेधित चीजहरूबाट टाढा रहन्छ। चाहे त्यो निषेधित कार्य हराम होस् वा मकरुह, यस सम्बन्धमा कुनै नर्कको वाचा गरिएको होस् वा नगरिएको होस्, त्यो मानिस अल्लाहको आदर र सम्मानको उद्देश्यले मात्र यी निषेधित चीजहरूबाट टाढा रहन्छ।

हे अल्लाहका भक्तहरू! जब श्रद्धा,हृदयको शुद्धता, र आज्ञाकारिता बलियो हुन्छ, तब अल्लाको सम्मान गर्ने र आत्मलाई कमजोर ठान्ने

भावना बढ्छ, त्यस पशचात् भक्तलाई आफ्नो कर्म स्वीकार नहुने डर हुन्छ।

﴿ وَالَّذِينَ يُؤْتُونَ مَا آتَوا وَّقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ ﴾ [المؤمنون: 60].

र ती व्यक्तिहरू जुन सम्पत्ति दिन्छन् त्यसबखत उनका हृदय आफ्ना पालनकर्तातर्फ फर्कनुपर्ने कुराले भयभित रहन्छ।

जब भक्तको हृदयमा शुद्धता बलियो हुन्छ, तब उसलाई कर्मको प्रदर्शन र स्वार्थ बाट टाढा हुन्छ, यस्तो अवस्थामा उसमा अल्लाहको यो आदेशको भावना जागृत हुन्छ।

﴿ وَلَكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ أُوْلَئِكَ هُمُ الرَّاشِدُونَ ﴾ [الحجرات: 7].

तर अल्लाहले तिमीहरूकालागि आस्थालाई प्रिय तुल्याएका छन् र तिमीहरुको हृदयमा यसलाई शोभनीय बनाएका छन् । र, नास्तिकता, पाप तथा अवज्ञालाई तिमीहरूकालागि अप्रिय तुल्याएका छन् । यी मानिसहरू नै वास्तवमा सत्मार्गमा छन् ।

र अल्लाहको यस् आदेशको पनि भावना जागृत हुन्छ:

﴿ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَى مِنْكُمْ مِنْ أَحَدٍ أَبَدًا وَلَكِنَّ اللَّهَ يُزَكِّي مَنْ يَشَاءُ ﴾ [النور: 21].

र, यदि तिमीहरूमाथि अल्लाहको कृपा तथा दया नभएको भए तिमीहरूमध्ये कोही पनि कहिल्यै शुद्ध हुन सक्ने थिएनौं । तर, अल्लाह जसलाई चाहन्छन्, शुद्धता प्रदान गर्छन् ।

र सर्वशक्तिमान अल्लाहले हामीलाई इशभय राख्ने र तहज्जुद को प्रार्थना गर्ने व्यक्तिहरूबारे जानकारी दिनुभयो छ जो रातमा थोरै सुत्ने गर्दछन्, तिनीहरू बिहान माफी माग्ने गर्दछन्, र अनिवार्य प्रार्थना पछि हामीले क्षमायाचना गर्नु पर्ने कुरा कानुनी रूपमा रहेको ठहर गरिएको छ । र हजको महानताको बावजुद, तीर्थयात्रीहरूलाई पनि माफी माग्न आदेश दिइएको छ:

﴿ ثُمَّ أَفِيضُواْ مِنْ حَيْثُ أَفَاضَ النَّاسُ وَاسْتَغْفِرُواْ اللّهَ إِنَّ اللّهَ غَفُورٌ رَّحِيمٌ ﴾ [البقرة: 199].

र, त्यसपछि अरू मानिसहरू प्रस्थान गरेकै ठाउँबाट तिमीहरू पनि प्रस्थान गर अनि अल्लाहसँग क्षमायाचना गर । निस्सन्देह अल्लाह अत्यन्तै क्षमाशील एवं परम दयालु छन् ।

हे अल्लाहका भक्तहरू, शुद्धताका धेरै फाइदाहरू छन्, शुद्धताका कारणले स्वर्गमा प्रवेश र नर्कबाट मुक्ति प्राप्त हुन्छ, शुद्धताको आधारमा समस्याको अन्त्य हुन्छ र प्रार्थना स्वीकार गरिन्छ, ती तीन व्यक्तिहरुको घटना हामीबाट लुकेको छैन, जसको सामु चट्टान बाधा भटेको थियो, त्यस बेला सबैले भनेका थिए: हे अल्लाह! यदि मैले त्यो काम तिमीलाई खुशी पार्नको लागि गरेको हो भने, हामीबाट कष्ट हटाउनुहोस्, अल्लाहले तिनीहरूबाट कष्टलाई हटाए। शुद्धताले ज्ञान बढाउँछ:

﴿ وَاتَّقُواْ اللّهَ وَيُعَلِّمُكُمُ اللّهُ ﴾ [البقرة: 282].

र,अल्लाहको भय राख। अल्लाहले नै तिमीहरूलाई यी कुराहरु सिकाउँदछन्।

हृदयको शुद्धताले बिगाड र दुष्कार्य बाट जोगाउँछ:

﴿ كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ ﴾ [يوسف: 24].

यस्तै भयो ताकि हामी उनीद्वारा कुकर्म तथा अश्लीलता निवारण गरौं । वास्तवमा उनी हाम्रा छानिएका भक्तहरूमध्येका थिए ।

हृदयको शुद्धताको कारण, सेवकलाई अनुमतियोग्य चीजहरूबाट पनि इनाम दिइन्छ, मुआज बिन जबल (रदि अल्लाहु अन्हु) भन्छन्: "जसरी म जगदा अल्लाहबाट इनामको आशा गर्दछु त्यसरीनै निद्रामा पनि उसै बाट इनामको आशा गर्दछु।"

हृदयको शुद्धताको कारणले सेवक निर्णयको दिन छायाँमुनि रहनेछ।हृदयको शुद्धताको मजबुतीले गर्दा स्पष्ट रूपमा समान कर्मको प्रतिफल फरक–फरक हुने गर्दछ र त्यसको प्रतिफल बढ्दछ। शुद्धताले ज्ञान र कर्ममा लाभ मिल्छ, शुद्धताको कारणले भक्तले उपासना र भक्तिको स्वाद पाउँछ र शुद्धताको कारणले देखावटी र पाखण्डको अन्त्य हुन्छ।

हे अल्लाह! हामीलाई माफ गर्नुहोस्, हामीलाई क्षमा दिनुहोस्, हे दुबै जगतका पालनकर्ता! हामीलाई मार्गदर्शनको साथ सफलता दिनुहोस् र हामीलाई तपाईंको निस्वार्थ भाववाला भक्त बनाउनुहोस्।

दोस्रो प्रवचन

الحمد لله ﴿ لاَ يَخْفَىَ عَلَيْهِ شَيْءٌ فِي الأَرْضِ وَلاَ فِي السَّمَاء ﴾ [آل عمران: 5]، وأشهد ألا إله إلا الله وحده لا شريك له، ذو الجلال والإكرام والعظمة والكبرياء، وأشهد أن محمداً عبده ورسوله خاتم الرسل والأنبياء صلى الله عليه ما هلّ قطْرٌ وأسفر ضياء.